WOG.GE

Intel-ის ვიდეო ბარათის კონცეპტი

როგორც ცნობილია, 2020 წელს Intel-მა შესაძლოა გამოუშვას დისკრეტული ვიდეო ბარათი და იგი გახდება დისკრეტული გრაფიკის ბაზრის ყველა სფეროს ერთ-ერთი მთავარი ამაჩქარებელი. გეიმერები და კომპიუტერის ენთუზიასტები მოუთმენლად ელიან სამომხმარებლო ვიდეო ბარათების ბაზარზე ახალი მოთამაშის გამოჩენას. მომლოდინეთაგან ზოგიერთი მათგანი თავისი ფანტაზიისამებრ ქმნის ახალი ბარათის გარეგნულ დიზაინს. მაგალითად, 3D-დიზაინერმა Cristiano Siqueira-მ მცირე ხნის წინ წარმოადგინა სამომავლო ვიდეო ბარათის კონცეპტ-არტი. როგორც ავტორი მიიჩნევს, ახალმა ბარათმა შესაძლოა მემკვედრეობით მიიღოს Intel Optane SSD 905P დრაივის გარეგნული დიზაინი.

მისი განსაკუთრებულობა გამოიხატება გაგრილების სისტემის გარეკანსა და გვერდით ნაწილებზე განთავსებულ ცისფერ განათებებში. გაგრილებას უზრუნველყოფს ტურბინა, უკანა მხარეს განთავსებულია დამცავი ფიფიტა სიმბოლოთი - X. ნაჩვენები ვიდეო ბარათის კონცეპტმა ინტერნეტ-მომხმარებელთა დიდი ნაწილის მოწონება და დადებითი გამოხმაურებები დაიმსახურა. მათ შორის, Intel-ის გრაფიკული პროცესორების რეკლამაზე პასუხისმგებლმა პირმა, კრის ჰუკმა ბარათის კონცეპტი საკუთარ Twitter-ზე განათავსა.

წყარო: Overclockers GE

შეიყვანეთ კოდი:*
reload, if the code cannot be seen