WOG.GE

ESPORTS და ოლიმპიადა - საერთაშორისო ოლიმპიურ კომიტეტს 'გაურკვევლობები' აშინებს

ყველას, ვინც ელოდა, რომ ელექტრონული სპორტი ოლიმპიური სახეობა უახლოეს მომავალში გახდებოდა, იმედი გაუცრუვდა.

რამდენიმე დღის წინ საერთაშორისო ოლიმპიურმა კომიტეტმა განცხადება გაავრცელა, რომელშიც წერია რომ - 'ელექტრონული სპორტის ოლიმპიადაზე მედლის ღონისძიებად ჩართვა ამ ეტაპზე ნაადრევია.'

განცხადებაში აღნიშნულია რამდენიმე 'გაურკვევლობა', რომლებიც ვიდეო თამაშების ოლიმპიადებში ჩართვას ართულებს. ჩამოთვლილ გაურკვევლობებში eSports ინდუსტრიის დაშლილობა (ფრაგმენტულობა) და სწრაფი ტექნოლოგიური განვითარებაა. სოკ-მა კიდევ ერთხელ გააკეთა აქცენტი ძალადობის აკრძალვაზე და გაიმეორა, რომ 'ზოგიერთი თამაში ოლიმპიადისთვის სრულად შეუფერებელია'. ასეთებში სავარაუდოდ CS:GOBattlefield და სხვა რეალისტური 'შუთერები' შედიან.


მიუხედავად ყველაფრისა, განცხადებაში ხაზგასმით იყო საუბარი გამონაკლისებზე, რომლებიც იმ თამაშებს ეხება, რომლებიც რეალური სპორტის სახეობების სიმულაციას ახდენს. თანამედროვე სამყაროში მსგავსი თამაში მრავლადაა - FIFA 19NBA 2k და ა.შ. საერთაშორისო ოლიმპიური კომიტეტი მოუწოდებს ადგილობრივ ფედერაციებს შეისწავლონ ეს სფერო და ითანამშრომლონ შესაბამის ორგანიზაციებთან.

განცხადების ხელმომწერთა შორის სოკ-ის პრეზიდენტი, ტომას ბახიც იყო. შეხვედრას Electronic Arts-ის დირექტორი, ლარი პრობსტი დაესწრო.

მიუხედავად ამისა, საერთაშორისო ოლიმპიური კომიტეტი აგრძელებს Intel-თან თანამშომლობას. პირველ ეტაპზე eSports ტურნირებს მხოლოდ მარკეტინგული დანიშნულება ექნება, რათა ოლიმპიადისკენ ახალგაზრდა თაობა მიიზიდოს, თუმცა მომავალში შესაძლოა ყველაფერი უკეთესობისკენ შეიცვალოს.

შეიყვანეთ კოდი:*
reload, if the code cannot be seen